इतवार का नहीं जात आटो
जिला चित्रकूट, ब्लाक कर्वी सोनेपुर अस्पताल। हिंया इतवार के दिन टैम्पों नहीं चलत हवै। या कारन सैकड़न मड़ई परेशान होत हवै। अस्पताल आवैं जाये मा बहुतै परेशानी आवत हवै। या समस्या लगभग तीन बरस से हवै।
ब्लाक पहाड़ी, गांव चकला के महेन्द्र अउर हिरिया का कहब हवै कि सोनेपुर अस्पताल जाये खातिर इतवार के दिन कर्वी मा दुइ घंटा बइठे रहेन। अस्पताल दवाई लें जाये का रहै, पै टैम्पो नहीं मिली। यहिके बाद रिक्शा कइके अस्पताल गे रहेन। रिक्शा वाले तीस रूपिया लेत हवै। पता नहीं इतवार के दिन टेम्पों काहे नहीं चलत आय। कुछ यहिनतान कहत हवै रज्जू अउर शंकर। इं ब्लाक कर्वी गांव बारामाफी मा रहत हवैं। उनकर कहब हवै कि टैम्पो न चलैं से परेशानी आवत हवै। मरीज का अस्पताल लइ जाये खातिर टैम्पो बुक कइके जाय का परत हवै। सोनेपुर मा टैम्पो चलावैं वाले आनन्द स्वरूप का कहब हवै कि इतवार के दिन ज्यादा सवारी नहीं मिलत आय। वहिसे ज्यादा रूपिया डीजल मा लाग जात हवै। अगर मड़इन का जरूरत हवै तौ वा टैम्पो बुक कइके जा सकत हवै। अपर उप जिला अधिकारी चन्द्रप्रकाश उपाध्याय का कहब हवै कि यहिके जिम्मेदार कउनौ विभाग नहीं आय। अपने से अस्पताल जाये।