जमीन के करत मांग
बांदा जिला, बबेरू तहसील। हेंया 12 नवम्बर 2013 का उत्तर प्रदेश खेती एंव ग्रामीण मजदूर यूनियन के प्रभारी राम करण आदर्शी विसण्डा ब्लाक के कइयौ गांवन के गरीब भूमिहीन मजदूरन का जमीन के मांग खातिर दरखास देवाइन।
रामकरण आदर्शी बतावत हैं कि विसण्डा ब्लाक के रानीपुर, विसण्डी, फंफूदी, बेलगांव अउर कुरही गांव के मड़ई शामिल है। या मांग खातिर हम पिछले साल सात लाख भूमिहीनन दलित आदिवासी मड़इन साथै ग्वालियर से लइके आगरा तक 2 अक्टूबर 2012 का पद यात्रा कीने रहन। जेहिमा भारत सरकार के ग्राम विकास मंत्री जयराम रमेश आके पद यात्रा रोकिन रहं। साथै भरोसा भी दिहिन रहंै कि हम भूमिहीन कानून बनावैं जात हन। वहिमा एक लोग का पांच एकड़ कृषि अउर दस डेसिमिल आवास खातिर जमीन दीन जई। तबै से आज तक कउनौ सुनाई निहाय।
बबेरू एस. डी. एम. आर. के. श्री वास्तव कहत है कि पहिले उंई भमिहीनन के जांच कराई जई। यहिके बाद उनका कागज साशन का भेजा जई।