खबर लहरिया बाँदा भटकट पात्र मड़ई अपात्र मालामाल

भटकट पात्र मड़ई अपात्र मालामाल

tindvariजिला बांदा, ब्लाक नरैनी, गांव कुम्हारन पुरवा अउर तिन्दवारी ब्लाक का कबीरनगर मोहल्ला। हेंया के समाजवादी पेंशन के पात्र मड़ई बैंक अउर नगर पंचायत के चक्कर लगावत फिरत हैं, पै कउनौ कारवाही नहीं होत है।
कुम्हारन पुरवा के गोविन्दी,पुरखिन अउर रामकली का कहब है कि समाजवादी पेंशन के फार्म जुलाई 2014 मा भराये गें रहैं, पै अबै तक पेंशन नहीं मिलत है। प्रधान सियादुलारी से 8 मार्च का षिकायत कीन तौ प्रधान कहिस कि बैंक से पता करौ पेंशन आ गे है। हम पन्द्रह औरतंे मिलके बदौसा के इलाहाबाद बैंक मा पासबुक लइके गयेन तौ बैंक मैनेजर या कहि के भगा दिहिस कि तुम्हार नाम पेंशन के लिस्ट मा निहाय। हमरे ही गांव के बडे़ आदमिन के पेंशन आ गे है हम पात्र मड़ई परेषान हैं।
बैंक मैंनेजर एस.पी. सिंह का कहब है कि कुछ लोगन के खाता मा अबै रूपिया नहीं आवा है। अगर आ जई तौ सबका प्रधान के तहत सूचना भेज दीन जई।
प्रधान सियादुलारी का पति छेदीलाल कहिस कि मैं कउनौ का बैंक नहीं भेजे हौं। गांव के मड़ई झूठै आरोप लगावत हैं। जउन पात्र मड़ई रहंै उनके नाम पेंशन आवै लाग है।
तिन्दवारी ब्लाक मोहल्ला कबीरनगर के कल्लू अउर संतोष 9 मार्च का चेयरमैन का दरखास दिहिन । उंई कहिन कि हम पात्र हन, पै समाजवादी पेंशन मा हमार नाम निहाय। जिनके चार पहिया गाड़ी अउर जमीन है उनके नाम पेंशन आवैं लाग है।
चेयरमैन बृजेष पटेल बताइन कि 11 हजार लोगन के फार्म भरे गें हैं। जेहिमा आठ सौ पात्र निकरे हैं। पात्र मड़इन का पेंशन मिलैं लाग है।