बैंक मा नहीं आवत रूपिया

जिला चित्रकूट, ब्लाक मऊ, गांव तुर्गवा। हिंया के रहै वाली गुलाबकली का तीन बरस रानी लक्ष्मी बाई योजना का रूपिया मिला हवै, पै अब मई के महीना से वहिका रूपिया नहीं मिलत आय। या कारन वा बहुतै परेशान रहत हवै। प्रधान से कहा गा हवै, पै वा नहीं सुनत आय।
हिंया के गुलाबकली का कहब हवै कि मोर मनसवा रमाशंकर  परदेश मा रहत हवै। मोर दुइ बेटवा हवंै। वा चार सौ रूपिया से घर का खर्चा चलत रहै। अबै तौ बुखार तक आ गा तौ दवाई तक करावै खातिर रूपिया घर मा नहीं रहत आय। रोजी रोटी सरकार तौ छीन लिहिस हवै। जउन हमार साथ वालेन का चार सौ रूपिया रानी लक्ष्मी बाई का मिलत रहै तौ उनका मिलत हवै। मैं आपन पास बुक लइके बैंक गई रहौं तौ मोर रूपिया नहीं आवा रहै।
प्रधान शिवकुमारी के मनसवा शिवलाल का कहब हवै कि मैं जा के देखिहौं। काहे वहिका रूपिया नहीं मिलत हवै।