बांदा जिले के बीजेपी सदस्य जयराम सिंह आपन हार स्वीकार करै के मूड मा नहीं आहीं।1 दिसम्बर का जबै नगर निकाय चुनाव के गिनती चलत रहैं तबै जयराम सिंह दुबारा गिनती करै के मांग करत रहै। काहे से सपा पार्टी के मोहन साहू अध्यक्ष पद का चुनाव जीत गे हैं। सपा पार्टी के नगर निकाय अध्यक्ष मोहन साहू का कहब है कि भाजपा पार्टी समेत तमाम मड़ई बेईमानी कइके जीते चाहत रहै पै मैं तीन हजार सत्रह वोट से जीत गयें हौं मोर जीते के बाद भी दुबारा वोटन के गिनती करै का कहत हैं।
मोहिका पहिले से शंका रहै कि वोट गिनत दरकी लूटपाट बेईमानी अउर मत पत्र फाड़े के घटना होइ सकत हैं यहै कारन मैं पहिले से डी.एम.का प्राथर्ना पत्र दइ दीने रहेव हौं या मोर जीत न होय बांदा के एक लाख सत्ताइस हजार जनता के जीत आय। जउन बढ़ चढ़ के मोहिका वोट दिहिन है। बांदा का स्वच्छ अउर सुंदर बनावे का वादा करत हौं अउर नगर पालिका से भ्रष्टाचार खतम करिहौं। ए.डी.एम गंगा राम गुप्ता कहब है कि सपा पार्टी के मोहन साहू का पहिले से शंका रहै यहै कारन दरखास लगाइन रहै अब चुनाव खतम होइगें हैं अब दुबारा वोटन के गिनती न होइ।
रिपोर्टर-मीरा देवी
Published on Dec 4, 2017
