खबर लहरिया बाँदा बिजली के रोशनी से कोशन दूर गांव

बिजली के रोशनी से कोशन दूर गांव

जिला बांदा, ब्लाक नरैनी, गाव गजपतिपुर। या नरैनी क्षेत्र का सबसे बीहड अउर पिछडा इलाका आय। लोगन का या गांव मा रहत चार पीढी बीत गे, पै आज तक बिजली के रोषनी देखैं का नहीं मिली आय।

देवकुमार यादव अउर धनष्याम सिंह बताइन कि हम लोग 2005 से लइके 2013 तक बिजली विभाग मा बराबर दरखास दीन है, पै आज तक हमरे गांव खातिर कउनौ प्रस्ताव नहीं पारित भा न कउनौ अधिकारी या गांव के जांच करिन आय। हमार दीन गई हजारन दरखासैं पानी मा जइसे बहा दीन गई हैं। यहिसे लागत है कि हमार गांव बिजली के रोषनी से आज भी कोसन दूर है। मोती सिंह अउर फूलचन्द्र कहत है कि हम लोग षाम सात बजे से ही घर के बाहर नहीं निकरत हन। बच्चन के पढाई अउर. भी सउख खतम है। अतर्रा एस.डी.ओ. रावेन्द्र का कहब है कि गजपतिपुर के आस-पास आठ पुरवन मा बिजली के मांग खातिर दरखासैं आई हैं। ग्रामीण क्षेत्र के बिजली खातिर कउनौं योजना आई तौ उंई गांवन मा बिजली लगावा दीन जई।