जिला बांदा। इनतान के उमस भरी गर्मी मा बिजली के बहुतै परेषानी है। कतौ ट्रांस्फारमर फुका परा है तौ कतौ के मडई आपन मोहल्ला का ट्रांस्फारमर अलग धरवावैं के मांग करत हैं। यहिके खातिर मड़ई आय दिन तहसील दिवस मा दरखास देत हैं।
बबेरू कस्बा, मोहल्ला तिंदवारी रोड नहर पटरी के अषोक नगर का रामू अउर रामखेलावन बताइन कि उनके हेंया के आबादी बीस साल पुरान बसी है। 50 कनेक्षन धारक हैं, पै बिजली दुई किलो मीटर दूर गल्ला मण्डी से बास बल्लीन द्वारा आई है। यहिसे आय दिन ट्ªक निकरैं मा तार टूट जात हैं तौ बिना बिजली इनतान के गर्मी ऊपर से मच्छर लागत हैं तौ नीद नहीं आवत आय। हम तहसील दिवस मा 20 जुलाई का दरखास दइके तार खम्भा अउर ट्रांसफारमर के मांग कीन हैं।
तिन्दवारी ब्लाक के गांव परसौड़ा मा रहैं वाला योगेन्द कुमार कुलदीप अउर जगराम कहत हंै कि हमरे गांव काट्रान्सफार्मर तीन महीना से फूका है। इनतान के गर्मी मा बिना बिजली मडइन का एक-एक दिन काटब मुष्किल हैं पै विभाग ट्रांस्फारमर बदले का नाम नहीं लेत आय।
तिन्दवारी जेई बी.के. षुक्ला कहत हैं कि जांच कीन जई अगर ट्रांसफारमर फूका है तौ एक हप्ता के अंदर बदलावा जई बबेरू मा तार खम्भा अउर ट्रांसफारमर के मांग खातिर बजट बनवा जई।