बिजली का लइके मारपीट

समस्या सुनावैं खातिर बइठ मड़ई

जिला बाँदा, ब्लाक महुआ, गाँव छिबांव। हेंया बिजली का लइके दलित अउर पंडितन के बीच मारपीट भे रहै। कइयौ मड़ई 26 जून 2013 का एस.पी. से नियाव के मांग करैं आये रहैं।
गाँव का रामशरन अउर कुसमा बतावत हैं कि हम सबै दलित जाति के मड़ई आहिन। हमरे हेंया बारह इन्द्रा आवास बने हैं अउर उनके खातिर अलग से ट्रांसफारमर भी धरा गा है। वा ट्रांसफारमर का गांव का रामबाबू पंडित जला दिहिस। मना करैं मा खूबै मारपीट करिस। जेहिसे कइयौ लोगन का चोट आई हैं। एक मेहरिया के करिहा के हड्डी टूट गे है। यहिके दरखास हम खुरहण्ड चैकी मा दीन, पै कउनौ सुनवाई निहाय। यहिसे एस.पी. का दरखास दें आये हन।
रामबाबू कहत है कि मोर भतीज तार फ़ासत रहै। वहै बीच कहा सुनी भे अउर मारपीट होइगे। काहे से उंई तार फांसै का मना करत रहैं।
एस.पी. उदय शंकर जायसवाल का कहब है कि वा मामला के जांच कइके कारवाही कीन जई।