जिला बांदा,कस्बा बांदा|18 सितम्बर का डी.एम.आफिस के सउहें कइयौ गांवन के वार्ड सदस्य अउर गांव के मड़ई धरना प्रदर्शन करिन हैं| वार्ड सदस्यन का आरोप है कि प्रधान अउर बी.डी.ओ हमार शोषण करत हैं| हमसे गंदे शब्द मा बात कीन जात है अउर हमें कउनौ मीटिंग मा शामिल नहीं कीन जात आय|एडीएम गंगाराम गुप्ता का कहब है कि गांव के मड़ई ज्ञापन दिहिन हैं जेहिमा कइयौ मांग हैं| वार्ड सदस्य मानदेय के मांग करत हैं सरकार यहिके बारे मा विचार करी|सी.ड़ी ओ का कारवाही करे का कहा गा है|
वार्ड सदस्य प्रतिनिधि बालकन्द यादव,कल्लू यादव अउर देवकुमार यादव का कहब है कि हमरे गांव मा मीटिंग नहीं बोलाई जात आय न खुली बैठक होत आय न हमसे कउनो दसखत कराये जात आहीं वार्ड सदस्यन का नाली का कीड़ा कहा जात है|
प्रधान अउर बी.डी.ओ आपन मर्जी से काम करत है| अपात्र मड़इन का कालोनी दीन जात है| मनरेगा मा जऊन कोउ काम नहीं करत आय वहिकर नाम चढ़ावा जात है|सफाई कर्मी न आवै मा गांव के मड़ई शिकायत करत हैं|नाली खडंजा के मरम्मत खातिर जबै प्रधान से कहित हन तौ कुछौ सुनवाई नहीं होत आय| प्रधान जइसे मानदेय हमें भी मिलै चाही|
बाईलाइन-गीता बांदा
19/09/2017 को प्रकाशित
