खबर लहरिया बाँदा बांदा जिले में पकड़ी गई चोरी तो ले ली जान

बांदा जिले में पकड़ी गई चोरी तो ले ली जान

चोरा के अनाज बेचें जात रहै कोटेदार का मोर भाई पकड़ा दिहिस तौ वहिका जहर खवा के मार दिहिन|11 सितंबर का एस.पी से न्याय मांगे आये बाँदा जिला के शिवसागर मिश्र का आरोप है कि मोर भाई का जहर खवा के मार डारिस है|मृतक गंगासागर का भाई शिवसागर बताइस कि मोर भाई कोटेदार का पकड़ा दिहिस वा चोरा के आनाज बेंचे जात रहै|पुलिस फेर पइसा लइके छोड़ दिहिस| फेर दूसरे दिन गुमानी बर्मा अउर शिवकुमार बर्मा मोर भाई का लेवा लइगे फेर मै लेवावें गयेव तौ नहीं आवे दिहिन मैं फेर गयेवें तौ लेवा के आयवें तौ मोर भाई गिर गा फेर तुरतै वहिके मउत होइगे|कोटेदार कहत है कि वहिके उपर झूठ आरोप लगावत है|
पूर्व प्रधान गुमानी बर्मा बताइस कि कोटेदार से मोर कउनौ सम्बन्ध नहीं आय मै तौ वहिके खिलाफ हौ मै वहिके कइयौ दरकी जांच कराए हौ| वहिसे मोइसे बोल-चाल भी नहीं आय|
शिवसागर बताइस कि मैं अउर मोर पिता जी थाने गये रहै तौ बडा दरोगा भगा दिहिस कहिस  कि तुम्हार भाई आत्महत्या करिस है हमार कुछौ सुनवाई नहीं होत आय|

बाईलाइन-गीता

13/09/2017 को प्रकाशित