जिला बांदा, ब्लाक तिंदवारी, कस्बा रामनगर। 21 सितम्बर का माधुरी के घर मा बिजली के तार से आगी लाग गे है।जेहिसे वहिके घर का पूरा सामान जल के राख होइगा है। माधुरी प्रशासन से मुआवजा खातिर गुहार लगाइस है बिजली विभाग के जेई मोहित का कहब है कि ग्यारह हजार के तार से आगी लाग है जांच के बाद मुआवजा दीन जई।
मोर मनसवा नहीं आय। तीन बच्चा हैं मोर एक लड़का आगी मा झुलस गा है।तबै वहिका जिला अस्पताल मा भर्ती करावा गा है।पड़ोसी राजेश पटेल का कहब है कि आग लगनें पर 100 नम्बर पुलिस आई रहै तौ जउन लड़का जल गा रहै वहिका भर्ती करावा गा है।लेखापाल जांच खातिर आयें रहैं तौ कहत रहैं कि यहिकर मुआवजा बिजली विभाग देई। आगी से छह सात लाख का नुकसान भा है। जेहिमा बीस कुंतल अनाज,तीन लाख के जेवर टी, वी फ्रिज जइसे सामान रहा है।
बाईलाइन-शिवदेवी
26/09/2017 को प्रकाशित
