बांदा जिला के ब्लाक तिंदवारी मा पूर्वमाध्यमिक विद्यालय बम्बिया गांव मा बना है। स्कूल मा बाउंड्री न होय के कारन जुआरी अउर शराबी हेंया आपन अड्डा बनाये हैं अउर स्कूल मा गंदगी फइली रहत है। जेहिसे बच्चन के पढ़ाई मा परेशानी होत है। हेडमास्टर हरिश्चंद्र का कहब है कि 1995 मा स्कूल बना रहै तबै बाउंड्री बनी रहै। बाउंड्री न होय से स्कूल सुरक्षित नहीं रहत आय। बाउंड्री खातिर बजट पास होइ गा है दिसम्बर तक बन जई।
सुंदरलाल बताइस कि स्कूल के मैदान मा कीचड़ होइ जात है जेहिसे बच्चन का खेले मा बहुतै परेशानी होत है।स्कूल मा पेड़ पौधा भी नहीं लाग आहीं बाउंड्री न होय से अन्ना जानवर सगले घूमत रहत हैं। भइयादीन का कहब है कि स्कूल मा न दरवाजा लाग आहीं न बाउंड्री बनीं आय।मड़ई हुंवा जुंआ खेलत हैं अउर दारू पियत हैं। स्कूल मा गाय बेड़ देत हैं। जेहिसे हुंवा गोबर पड़ा रहत है। स्कूल मा बच्चन के बइठे खातिर टाट तक नहीं आय। स्कूल के बच्चा सुमन अउर रोहित बताइन कि बाउंड्री न होय के कारन सगले कूड़ा अउर गोबर पड़ा रहत है।खुले मा हैन्डपम्प लाग है तौ मड़ई बिगाड़ देत हैं तौ हमें दूसर मोहल्ला मा पानी पियें जायें का पड़त है।
बीआरसी प्रभारी महाबीर का कहब है कि ग्राम पंचायत के बजट से स्कूल के मरम्मत का काम होत है।
रिपोर्टर-शिवदेवी
Published on Nov 30, 2017
