बाँदा जिले के पौहार गाँव में बारात घर पर महिला ने किया कब्जा

बांदा जिला, ब्लाक नरैनी, गांव पौहार मा बीस साल पहिले बारातघर बना रहै, अब या बारातघर मा जानवर रहत है।स गांव वालेन का आरोप है कि गांव के एक मेहरिया बारातघर मा कब्जा करे है।
कल्लू तिवारी का कहब है कि एक साल से वा मेहरिया कब्जा करे है। प्रधान तीन साल से बारातघर खाली करावै के कोशिश करत है।
बारातघर मा रहै वाली मेहरिया राजाबाई का कहब है कि हमें पूर गांव के मड़ई परेशान करत है, मोर लड़का बाहर रहत है। शिवबरन का कहब है कि बारात हेंया बारातघर मा रुकत है।
प्रधान का लड़का अमित कुमार का कहब है कि वा मेहरिया कहत है कि एसडीएम हमार रिश्तेदार आय अउर हरिजन एक्ट लगवावै के धमकी देत है, जबै हम एसडीएम से शिकायत करे गयें तौ हमें जेल भेज दीन गा।
चकबंदी अधिकारी ओमकार सिंह का कहब है कि कब्जा के बारें मा हमें कउनौ जानकारी नहीं आय।

रिपोर्टर- सुनीता देवी