खबर लहरिया बाँदा बाँदा जिले के किसानो को मिला सोलर पंप…

बाँदा जिले के किसानो को मिला सोलर पंप…

बाँदा जिला ब्लाक नरैनी, गांव जमवारा अउर नरैनी मा किसान सोलर पम्प लगवाये। यहिसे हेंया के किसानन का बिजली कटौती जइसे गम्भ्रीर समस्या से छुटकारा मिला हवै। अउर फसल भी ज्यादा होइ। काहे से किसानन का समय से खेतन मा पानी पहुंचा सकत है।
नसेनी के मोहम्मद का कहब है कि मोर बाप मोहम्मद युसुफ के नाम से सोलर पम्प लीन गा है। सोलर पम्प अच्छा चलत हैं। पानी तेज निकलत है। यहिसे सिंचाई खातिर बहुतै सुविधा होत हैं।
नरैनी का अशोक बताइस कि एक महीना पहिले सोलर पम्प लगवावा रहैं। यहिसे का फायदा अउर का नुकसान होइ या तौ अबै नहीं पता चला। पै सोलर पम्प लगवावै से डीजल के बचत होत है। बिजली नहीं लागत न बिजली कटौती जइसे समस्या से जुझे का पड़त है।
मोहम्मद फहीम का कहब है कि अगस्त महीना पहिले सोलर पम्प के बारे मा पता लाग रहैं। तबै हमहूं पम्प लगवा लीन हैं। उप कृषि निदेशक रमेश चंद्र का कहब है कि गांवन मा सोलर पम्प का चार्ज करे का पड़त हैं। गांवन खातिर या योजना आई है। अबै तक 41 सोलर पम्प लग चुके है।

रिपोर्टर- गीता