खबर लहरिया औरतें काम पर बहला फुसला के गायब करिन

बहला फुसला के गायब करिन

जिला बांदा, ब्लाक जसपुरा, पैलानी थाना क्षेत्र  के एक गांव मा 23 मई 2014 का गांव का रामदेव 16 साल के बिटिया का पानी के बहाना बोला के गायब कई दिहिस है। यहिसे बिटिया के परिवार वाले रामदेव के खिलाफ कारवाही के मांग करत हैं।
बिटिया बाप अउर भाई बतावत रहैं-“रामदेव हमरे बिटिया से पानी मांगिस तौ बिटिया पानी लइके आई। रामदेव के अगल बगल छुपे दुई लोग तुरतै आगंे अउर बिटिया का अपहरण कइके कउनौ दूसरे के हाथ कई दिहिन। अबै तक हमार बिटिया का पता नहीं चला। यहिसे हम अपहरण करैं वालेन के खिलाफ पैलानी थाना मा रपट लिखावा है। रामदेव तौ पकड़ गा पै हमार बिटिया का अता पता निहाय। वहिका बरामद करैं खातिर हम पुलिस से मांग करत हन।”
पैलानी थाना के मुंशी रविकरन का कहब है कि रामदेव के खिलाफ अपहरण का मुकदमा लिख गा है। मुकदमा मा 363, 366 अपहरण के धारा लाग है। रामदेव का जेल भेज दीन गा है। बिटिया का जल्दी ढूढ़ा जई। बाकी दुई अपराधी फरार है, तौ उनका गिरफ्तार करैं खातिर छानबीन चलत है।