प्रधान पर अपनी जेब गर्म करने का आरोप देखिये चित्रकूट के अकबरपुर की खबर

चित्रकूट जिला के ग्राम पंचायत अकबरपुर के नई बस्ती के मड़इन का आवास नहीं मिलें आहीं। बरसात अउर ठंडी के मौसम मा झोपड़ी अउर छप्पर मा रहब बहुतै मुश्किल होइ जात हवैं। हिंया लगभग डेढ़ सौ आदिवासिन के घर हवैं पै अबै तक प्रधान एक आवास बस दिहिस हवै। सीडीओ जय प्रकाश पाण्डेय का कहब हवै कि प्रधान के ऊपर घूंस के आरोप का बयान दे मा प्रधान के खिलाफ एफआईआर कीन जई।पात्र मड़इन के नाम नई सूची मा जोड़े जइहैं।
रामपाल का कहब हवै कि कलोनी कउनौ का नहीं मिली आहीं। मोतिनिया का कहब हवै कि कलोनी खातिर कइयौ दरकी फार्म भरे हन पै तबहूं सुनवाई नहीं होत आय। सारंगी बताइस कि प्रधान कहत हवै कि तुम्हरे खातिर कलोनी न अइहैं।भोला बताइस कि प्रधान नहीं सुनत आय गरीबन के कत्तो सुनवाई नहीं होत आय। नई बस्ती मा कमलेश का आवास मिला हवै। वहिकर कहब हवै कि प्रधान आवास मा खराब सामान लगाइस हवै अउर पांच हजार रुपिया घूंस लिहिस हवै। प्रधान गौरी शरण का कहब हवै कि आवास खातिर एकौ रुपिया नहीं लागत आय, घूंस का आरोप झूठ आय।

रिपोर्टर-मीरा देवी

published on Dec 27, 2017