खबर लहरिया बाँदा पेशाब घर न होय से होत परेशानी

पेशाब घर न होय से होत परेशानी

 पेशाब घर न होय से परेशानी

पेशाब घर न होय से परेशानी

जिला बांदा, ब्लाक बबेरू, कस्बा मुरवल अउर बांदा कस्बा का मोहल्ला अलीगंज, अशोक लाट चैराहा। इं कस्बन के मेन चैराहन मा पेशाब घर न होय से आवैं-जाय वाले यात्रिन अउर दुकानदारन का परेशानी होत है।
मुरवल कस्बा के कुसमा देवी, गोविन्द अउर रामदेवी कहत है कि हमरे मुरवल कस्बा मा लगभग पांच सौ दुकाने हैं। या रोड मा सैकड़ो साधन भी चलत है, पै पेशाब घर न होय से मेहरियन अउर बिटियन का बहुतै परेशानी होत है। मनसवा तौ कतौ भी ठाड़ होइ के पेशाब कइ लेत हैं। यहिसे लागत है कि अगर मेन चैराहा मा एक पेशाब घर बन जाय तौ कुछ समस्या कम होई सकत है। प्रधान राम बाबू निषाद क प्रतिनिधि छितानी कहत है कि चैराहा मा पेशाब घर बनवावैं खातिर हमसे कउनौ नहीं कहा आय। अब जानकारी मिली है तौ मीटिंग मा प्रधान से बात कीन जई अउर पेशाब घर बनवावा जई।
यहिनतान अशोक लाट चैराहा मा एक पेशाब घर के मांग कीन जात है। काहे से आय दिन होंआ मड़ई अनशन अउर धरना प्रदर्शन करत है। हजारन मड़ई चैराहा मा रोज बना रहत है तौ पेशाब खातिर भटकै का परत हंै। अनशन करैं वाले मड़ई परदा लगा के पेशाब करत है। अलीगंज मोहल्ला के मुन्नी अउर भूरागढ़ के मुनिया बतावत है कि पेशाब खातिर बहुतै परेशानी होत है। हर चैराहा मा पेशाब घर के ब्यवस्था होय का चाही।
बांदा चेयरमैन विनोद जैन कहत है कि अगर मड़इन का परेशानी है तौ पेशाब घर के चैराहन मा ब्यवस्था कीन जई।