खबर लहरिया बुंदेलखंड पेंशन के इंतजार में निकरी जात उम्र

पेंशन के इंतजार में निकरी जात उम्र

वृधा पेंशन खा करत इंतजार

वृधा पेंशन खा करत इंतजार

वृद्धा पेंशन होंय चाहे विकलांग या फिर
विधवा पेंशन जा योजना का लाभ पाय खें लाने ज्यादातर आदमी परेशान रहत हे। आदमी जभे ई अवस्था में आ जात हे। तो आदमियन खा पेंशन से आपन पेट चलाये को आसरा हो जात हे। फिर भी पेंशन खा लेके इंतजार करत करत कोनऊ की उम्र बीत जात बेठ जात हे, तो कोनऊ थक के बेठ जात हे, पे पेंशन मिले को नाम नई आउत हे।
अगर प्रधान या फिर समाज कल्याण विभाग में कहो जात हे तो ऊ बी.पी.एल. सूची में नाम नइयां या फिर पेंशन के पात्र नइयां जा कह के टार दओ जात हे। आखिर गरीब ओर बेसहारा आदमी कहां जाये?
अगर सरकार गरीबन खा सुविधा देत हे तो प्रधान ओर सचिव खा जा परेशानी दूर करें की कोशिश करें खा चाही। जभे तक कोशिश न करी जेहे तभे तक समस्या खतम न होहे। सरकार खा भी अधिकारी प्रधान ओर सचिव से जवाब लंे की जरूरत हे। नई तो सरकार काय गरीब आदमियन खा पेंशन की सुविधा देत हे। सरकार खा अपनी ई योजना खा पलट के देखे खा जरूरत हे। नई तो गरीब ओर बेसहारा आदमी एसई परेशान होत रेहे।