ट्रांसफाॅर्मर
जिला सीतामढ़ी, प्रखण्ड डुमरा अमघट्टा ग्लोबल स्कूल के पास में एगो ट्रांसफाॅर्मर हई बराबर खराब हो जाई छई। जेई कारण बिजली के समस्या बनले रहई छई। उहां के लोग सब के परेशानी झेले के परई छई।
उहां के लोग उमेश कुमार, रमेश कुमार, सोनू कुमार लगभग बीस पच्चीस लोग कहलथिन कि इहां के ट्रांसफाॅर्मर खराब होय से बहुत दिक्कत होई छई। बिजली न रहे से, टंकी के पानी खत्म होये से जे लोग दु तीन मंजील पर रहई छथिन उनका सब के लेल अउर परेशानी बढ़ जाई छई। रोशनी के भी रास्ता से लेके घर तक अभाव रहई छई। तुरंत-तुरंत इ ट्रांसफाॅर्मर बनई छई जिनका जनरेटर के सुविधा न हई उनका सब के ज्यादा दिक्कत हो रहल हय। कयला कि बच्चा के पढ़ाई, मोबाईल चार्ज, फ्रिज, बैट्री आदि।
वार्ड आयुक्त देवेन्द्र पासवान कहलथिन कि उहां पावर कम हई। लोड ज्यादा उठबई छई जेई कारण तुरंत-तुरंत ट्रांसफाॅर्मर जल जाई छई। एई से ज्यादा केवी के ट्रांसफाॅर्मर के लेल विधायक से मांग कयले छी। बिजली विभाग में भी आवेदन देले छी। लेकिन अभी तक कोई सुनवाई न हई। बराबर मिस्त्री लगले रहई छई।