खबर लहरिया बुंदेलखंड तालाब में बन जाये भीटा, तो न भरे पानी

तालाब में बन जाये भीटा, तो न भरे पानी

भीटा न होय से भरो पानी

भीटा न होय से भरो पानी

जिला महोबा, ब्लाक पनवाड़ी, कस्बा पनवाड़ी। एते के वार्ड नम्बर तीन में एक तालाब बनो हे। जीमे पक्का भीटा न होय की वजह से रास्ता में पानी भरत हे। एई से एते के आदमी तालाब में भीटा बनवायें की मांग करत हें।
नारायण, रामपाल ओर मनीष ने बताओ कि जा तालाब हजारन साल पुरानो आय। जीमे बारऊ महीना पानी भरो रहत हे। जीमे पक्का भीटा न होय के कारन तालाब को पानी पूरे रास्ता में फैलत हे। बरसात में पानी ज्यादा भरे से हमाये घरन में पानी भर जात हे। जीखे कारन हमाये घरन में धरो सामान भी खराब हो जात हे। आज कल की महंगाई में कोनऊ सामान एक दइयां खरीदब मुश्किल परत हे बेर-बेर केसे खरीद पेहंे। वार्ड मेम्बर रेखा देवी ने बताओ कि ई तालाब में भीटा बनवाये खे लाने प्रधान से कोऊ दइयां कहो हे। अभे डेढ़ महीना पेहले ऊसई रास्ता में भरो हे।
प्रधान आशाराम अताउत हें कि ओते के आदमी भीटा नई बनवाये देत आय। नई अभे तक भीटा बनवा दओ जात।