खबर लहरिया चित्रकूट पाइप लाइन टूटने से पचासों घरों में बढ़ी पानी की समस्या

पाइप लाइन टूटने से पचासों घरों में बढ़ी पानी की समस्या

जिला चित्रकूट, ब्लाक मऊ, कस्बा बरगढ़। अशोक चौराहा अउर ब्राह्मण बस्ती मा तीन दिना से पाइप लाइन टूट पड़ा हवै जेहिसे पचासन घरन मा पानी नहीं मिल पावत आय जल संस्थान के अधिकारी या समस्या कइत ध्यान नहीं देत आहीं बूंद-बूंद पानी का तरसत बुन्देलखण्ड मा टूट पाइप लाइन से पानी बर्बाद होत हवै
आकाश दिवेदी बताइस कि दुई तीन दिन से पाइप लाइन टूट पड़ा हवै विभाग मा लिखित दरखास दीने हन मकसूद अली बताइस कि पाइप लाइन टूटे से पानी नहीं आवत यहै कारन हमें हैन्डपम्प से पानी ले जाएं का पड़त हवै
दुर्गा प्रसाद मौर्य बताइस कि नल का कनेक्शन हवै छह महीना मा तीन सौ चालिस रुपिया आवत हवै तबहूँ पानी बराबर नहीं मिलत आय।
जल कल विभाग का लिपिक रणवीर सिंह का कहब हवै कि अशोक चौराहा मा जल निगम का पाइप लाइन टूटा हवै ब्राह्मण बस्ती का पाइप लाइन बना दीन जई

बाईलाइन-सुनीता देवी 

30/10/2017 को प्रकाशित