हर बाप हर हाल मा आपन बच्चन के रक्षा करत है पै अगर वहै बाप आपन बच्चा के जान का दुश्मन बन जायें तौ का होइ? बांदा जिला के तिंदवारी ब्लाक के गांव खप्टिहा कला मा 25 दिसम्बर का बाप शिवनरेश आपन पांच महीना के लड़का अजय का पटक-पटक के मार डालिस है। पैलानी थाना के एसओ राजीव कुमार का कहना है कि बच्चा के हत्या वहिकर बाप करिस है। मुकदमा अपराध संख्या 184/17 धारा 302, 504 के तहत लेज भेज दीन गा है।
पड़ोसी कल्लू चंद और मुन्नी का कहब है कि शिवनरेश के सास नाती देखे आयी रहै यहै कारन वा गुस्सान रहै तौ लड़का का जमीन मा फ़ेंक दिहिस है जेहिसे वहिके मउत होइगे है। सास फूलमतिया का कहब है कि जबै हम बच्चा के हालत देखेन तौ होश नहीं रहा आय। अजय मोर लड़की का पहिला बच्चा रहा है।
शिवनरेश का भाई रामनरेश बताइस कि भतीजी शौच खातिर गें रहै तबै जंगल मा बच्चा पड़ा रहै तौ पहिचान गें नहीं तौन्प्ता भी न चलत कि लड़का कहां गा है। जबै हम लड़का का उठा के लायें हन तौ वा जिन्दा नहीं रहा आय।
रिपोर्टर-शिवदेवी
published on Dec 27, 2017
