जिला महोबा, ब्लाक चरखारी, गांव सोहजना। ई गांव के बीस आदमी एसे हे जोन वृद्धा पेंशन पायें के पात्र हे। प्रधान ओर सरकारी कर्मचारियन की लापरवाही से छूटे हे।
सत्तर साल को लक्ष्मी प्रसाद बताउत हे की हमाई इत्ती उमर गुजरे के बाद भी वृद्धा पेंशन नई मिलत हे। पूर्व प्रधान से कहत कहत थक गये हे। पे हमाई पेंशन नईं बधवाई हे। सत्तर साल के रामरतन अहिरवार ओर लालसिंगा बताउत हे की अब हम कछू काम नईं कर पाउत हे। जीसे हमाओ खर्चा चल सके। अगर कहूं जाने होत हे तो लड़का बहू से कहत हे। रूपइया के लाने ऊं भी नई देत हे। बाते ओर सुनाउन लगत हे। हमाये साथ वाले एसे बीस आदमी हे जीखे पेंशन नई मिलत हे।
प्रधान मीना देवी बताउत हे की अभे कछू आदमियन के फारम भर गये हे। कछू बाकी हे। जभे सबके भर जेहे तो फारम जमा कर दये जेहे।
रिपोर्टर – सरोज