महोबा शहर, आल्हा चैक। एते राम जी चैबे ई.टी.वी. के पत्रकार मनोज ओझा के ऊपर रूपइया लेय को आरोप लगाओ हे। न्याय के लाने 8 जुलाई खा क्रमिक अनशन शुरू कर दओ हे।
राम जी चैबे बताउत हे कि हमाई जन सेवा केन्द्र पनवाड़ी में खुली हे। ओते दो तीन जन सेवा मेल फर्जी तरीका से चलाउत हे। जीखी दरखास मेनें अपै्रल में कुलपहाड़ तहसील में दरखास दई हती। तभई ई.टी.वी. को पत्रकार मनोज ओझा ने खबर चलायें के पन्द्रह सौ रूपइया मांगे। दूसरी पार्टी से भी रूपइया ले लये ओर खबर नई चलाई। 1 जुलाई खा मनोज ओझा से अपने रूपइया मांगे तो धमकी देत हतो। रूपइया न देहों, में देखत हों ते केसे दुकान चलाउत हे। ऊ कुलपहाड़ एस.डी.एम. मोहम्मद रिजवान से मिल के मोई 3 जुलाई खा जन सेवा केन्द्र बन्द करा दओ हे। दुकान में अस्सी लड़का बिटियन के आय, जाति ओर निवास के फारम डारे हे। अगर मोई दुकान बहाल न करी जेहे तो बच्चन को भविष्य बरबाद हो जेहे। जीखो जिम्मेंदार मनोज ओझा ओर सरकार हो हे। जन सेवा केन्द्र बहाल ओर फर्जी काम करें वालेन की जांच कर कानूनी कारवाही करी जाये। पत्रकार मनोज ओझा खबर के ऊमें रूपइया लेय पे कारवाही होर्य जभे तक हमें न्याय न मिलहे तभे तक अनसन से न उठहें।
मनोज ओझा कहत हे कि मेने रूपइया नई लये हें ऊ मोये ऊपर झूठो मुकदमा लिखायें चाहत हे।