पति के उत्पीड़न से लिखाइन रिपोर्ट

जिला फैजाबाद, ब्लाक तारुन, ग्रामसभा जयसिंह मऊ, मजरा बहिरा का पुरवा। यहिंके एक मेहरारू सुन्दरा कै आरोप बाय कि उनकै पति राजेन्द्र सात आठ साल से आये-दिन षराब पीके मारत पीटाथिन। आरोप लगाइन कि गंाव के चार गेदहरा के मेहरारू के साथे षादी करै चाहाथिन। मारै-पीटै अउर न्याय के ताई थाना मा 10 अपै्रल का अप्लीकेषन दिहेन।
पैंतिस साल कै सुन्दरा बताइन कि आठ-नौ साल होइगा। गंाव के श्रीपाल के मेहरारू जानकी से हमार पति षादी करै चाहाथिन। हमरे दुई बिटिया बाटीं। दुई गेदहरा खतम होइ गये। मजदूरी कइके दुइनौ गेदहरन कै पेट पालत हई। यै महीना-महीना भर अउते नाय। जब आवाथे तौ जवन कमाय के रखे रहीथी वहू का उठाय के बेंच लियाथिन। जब कुछ बोलीथी तौ दारू पीके माराथिन। दुई तीन बार थाना पै गयन। थाना वाले कहिन कि जब घरे अइहैं तौ बताइव। 10 अप्रैल का थाना मा फिर अप्लीकेषन दिहन तौ ग्यारह अपै्रल का पुलिस आई तौ मिलिन नाय। सुन्दरा कै कहब बाय कि हम चाही थी दुइनौ जने का पकरके थाना मा बन्द करैं।
गंाव वालेन कै कहब बाय कि पूरा गंाव वहि लडि़का का समझाय बुझाय के थक गै लकिन ऊ मानत नाय। गंाव मा जल्दी अउते नाय। दुसरे के ऊपर आपन पैसा बर्वाद करत बाय। अउर अपने मेहरारू गेदहरा कै साथी नाय बाय। जवन कुछ कमाय के रखाथिन उहौ उठाय लै जाथै।
तारून थानाध्यक्ष दीपचन्द बताइन कि 11 अपै्रल का पुलिस भेजके समझौता कराय दीनगा बाय।