लड़की के साथे छेड़छाड़
जिला अम्बेडकर नगर, कलेक्ट्रेट पै महरुआ थाना क्षे़त्र सेमरी गांव। कै एक दस साल के लड़की के साथे छेड़छाड़ के मामले मा थाने पै सुनवाई न होय से कलेक्ट्रैट पै जिला अध्यक्ष सूर्य मणि यादव हिन्दू युवा वाहिनी के अगुवाई से पचासौ मनई दुई दिन तक दिहिन धरना।
लड़की कै पिता घीसन, माता जलधारी कहत रहिन कि लड़की स्कूल पढ़ै गै रही दोपहर शौच करै गै रहिन तो वही समय दिनेश सिंह जेकै उम्र 30 साल बाय। दुराचार अउर मुंह दबाय के हत्या कै प्रयास करिन लड़की आपन जान बचाई कै भाग। यकर जानकारी महरुआ थाना पै दिहिन तौ रिपोर्ट नाय लिखिन। काफी प्रयास करे के बाद पुलिस पकड़के लै गये तौ मंत्री थाने से छुड़वाय लिहिन थाने से आवै के बाद दिनेश सिंह अऊर दबंग लोग धमकी दियाथिन कि जे हमरे खिलाफ कुछ करे वेका बरबाद कै दियब। पूरा दलित बस्ती मा आग लगाय दियब। आपन सुरक्षा अउर न्याय पावै खातिर सब मनई जिला कलेक्ट्रेट पै अनशन करिन तौ एस.डी.एम धरना हटावै का कहिन और चैविस घंटा मा दिनेश सिंह का पकड़ैै का आदेश दिहिन।
यहि धरना मा अरविन्द यादव, अमर जीत, सत्येन्द्र कुमार, मंगली प्रसाद, संजय कुमार, रजनीश वर्मा, अखिलेश वर्मा, रामरति, जलधारी आदि लोग शामिल रहिन। महरुआ कै थानाध्यक्ष जयशंकर सिंह बताइन कि दिनेश सिंह, पुत्र लखन सिंह के खिलाफ छेड़खानी एंव दलित उत्पीड़न एक्ट का मुकदमा दर्ज कईके जांच कै जात बाय।