खबर लहरिया बाँदा निहाय वोटर लिस्ट मा नाम

निहाय वोटर लिस्ट मा नाम

कालोनी के करत मांग

कालोनी के करत मांग

जिला बांदा, ब्लाक तिन्दवारी, गांव पपरेंदा। हेंया के रामगोपाल, अउर राममिलन सहित सबै मड़ई 3 जून 2014 का कालोनी खाातिर बांदा तहसील दिवस मा दरखास दिहिस है, पै प्रधान हमार सुनवाई नहीं करत आय।
चन्द्रपाल, राकेश अउर बाबूलाल का कहब हैं कि हमरे रहैं तक का घर निहाय। हमार घर पिछले साल बरसात मा गिर गा रहै। या साल फेर से बरसात आवैं वाली है। गर्मी अउर ठंडी तौ कउनौतान पन्नी अउर झोपड़ी मा कट जात है, पै अब कहां सामान धरबे। रात दिन यहै चिन्ता बनी रहत है। मेहनत मजूरी करके अपने परिवार का पेट पालित हन। अगर हमका इन्द्रा आवास मिल जात तौ हमारे रहैं खातिर होई जात। घर बनावब तौ बहुतै दूर के बात हैं। प्रधान बहाना कई देत है कि तुम्हार बी.पी.एल.सूची मा नाम निहाय। आखिर कबै तक इनतान का बहाना चली।
प्रधान अमर सिंह का कहब है कि कुछौ मड़इन का वोटर लिस्ट मा नाम निहाय। या कारन उनका कोलानी नहीं मिली आय। 28 लोगन का कालोनी मिल गई है। 45 मड़ई जिनका लिस्ट मा नाम निहाय। यहिसे उनका लाभ नहीं मिलत आय। मैं तौ चाहत हौं कि जिला अधिकारी जांच करावैं तौ उनका भी नाम आ जाय।