नियाव मिलै

जिला चित्रकूट, ब्लाक पहाड़ी, गांव इटौरा। हिंया के रहै वाली एक मेहरिया 26 मार्च 2014 का अपने खेत जात रहै। वहै समय पड़ोस मा रहैं वाला लायक नाम का मड़ई वहिके साथै छेड़खानी करिस हवै। यहिके दरखास पहाड़ी थाना मा लिखाइगे, पै कउनौ सुनवाई नहीं भे आय। यहै से वा मेहरिया बांदा चित्रकूट सांसद आर.के. सिंह पटेल का 3 अप्रैल 2014 का दरखास दइके सहयोग मांगिस हवै।
गांव के मेहरिया कहिस कि गरीब अउर दलित जाति के मेहरिया हौं। मनसवा बाहर कमात हवै। 26 मार्च 2014 का खेत जात रहौं पड़ोस मा रहैं वाला लायक मोहिका पकड़ लिहिस। मैं हल्ला करेंव तौ छोड़ के भाग गा हवै। वहिके दुसरे दिन मैं अउर मोर मनसवा अपने घर मा रहेन तौ घर के भीतर घुस के मारिस हवै । मोरे अंदरूनी चोटैं आई हवैं। यहिके दरखास पहाड़ी थाना मा लिखाई, पै सुनवाई नहीं भे आय। या कारन सांसद आर.के. पटेल से कहेहौं।
सांसद आर.के. पटेल कहिन कि वहिका नियाव देवावा जई। आरोपी के खिलाफ थाना के पुलिस से कारवाही करैं खातिर कहा जई।
पहाड़ी थाना के छोट दरोगा सियाराम कहिन कि मामला के जांच कीन जई। यहिके बाद कारवाही कइ सकित हन।