जिला हमीरपुर, कस्बा भरूवा सुमेरपुर, मुहल्ला बसन्त नगर। हिंया का बैजनाथ नियाव पावैं खातिर अनशन करिस वा बताइस कि आठ महीना पहिले वहिके नाती प्रमोद का अपहरण कइके मार डाला गा रहै। तबै से पुलिस कारवाही नहीं करत आय।
प्रमोद का बाबा बैजनाथ अउर बाप बिन्दा बतावत हवै कि हमार लड़का के उमर अट्ठारह साल रहै। सितम्बर 2012 का पैलानी थाना के चैकी पुरवा का रहै वाला सोनू अखिलेश अउर अश्वनी समेत चार मड़ई मोर नाती का लिवा लाये रहै। यहिके बाद दूसरे दिन वहिका मार के केन नदी के पास फेंक दिहिन। चार दिन बाद हमका पता चला कि एक लावारिस लाश का पोस्टमार्टम भा हवै। लाश का हम देखैं आयेन तौ कपड़ा चप्पल से वहिके पहचान कीन। तबै से कइयौ दरखास दीन, पै हत्यारन का पकड़ा नहीं गा आय। अब उंई हमका भी मारैं के धमकी देत हवै अउर सिटी मजिस्टेªट अनशन खतम करैं का दबाव डारत हवै।
एस़ पी़ उदय शंकर जायसवाल कहत हवै कि मोरे लगे वा लड़का के मरै के सूचना रेलगाड़ी से कटै के हवै। या मारे वा मामला मा कउनौ कारवाही न होइ।