नियाव खातिर लगाइस गोहार

जिला बांदा, ब्लाक तिन्दवारी, गांव बरेठी। 18 मई का बांदा एस.डी.एम. का दीन गे दरखास मा भानुमती आरोप लगाइस कि वहिके जेठ अउर जेठानी हिस्सा बांट का लइके वहिके साथै खूबै मारपीट करिन हैं। यहिसे वा उनके खिलाफ एस.डी.एम. का दरखास दिहिस है।
भानुमती का कहब है कि मोर माइक बबेरू ब्लाक का गांव टोलाकला आय। पांच साल पहिले मोर शादी पवन कुमार साथै भे रहै। तबै से ससुराल वाले कउनौ न कउनौ बहाना कइके मारपीट करत हैं। 17 मई का जेठानी अउर जेठ मार के घर से निकार दिहिन हैं। यहिसे हम दूनौं आदमी दर-दर के ठोकर खात फिरत हन। भाई राजेश का कहब है कि हिस्सा दीन गा है। वा आपन घर बना के रहै। हम अपने घर मा न रहै देबै।
बांदा एस.डी.एम. प्रहलाद सिंह का कहब है कि जेठ जेठानी से उनका हिस्सा देवावा जई।

रिपोर्टर – शिवदेवी