खबर लहरिया औरतें काम पर नियाव खातिर थाना मा गोहार

नियाव खातिर थाना मा गोहार

chilla mahila muddaजिला बांदा, ब्लाक तिन्दवारी, कस्बा चिल्ला। हेंया के कुसुम का आरोप है कि 25 जनवरी का वहिके सास अउर मनवसा मिल के वहिका खूबै मरिन हैं। यहिसे वा उनके खिलाफ चिल्ला थाना मा दरखास दिहिस है।
कुसुम देवी का कहब है कि मोर मइक नरैनी कस्बा आय। दुई साल पहिले मोर शादी लल्लू साथै भे रहै। तबै से ही ससुराल वाले कउनौ न कउनौ बहाना कइके मोर साथै हमेशा मारपीट करत रहत है 25 जनवरी का तौ उंई महतारी पुत मार के हद पार कइ दिहिन। तबै मैं आपन जान बचा के मौसी के हेंया खपटिहा गांव भाग गयेंव।
होंआ से फोन कइके आपन बाप का बोलायेंव अउर चिल्ला थाना मा दरखास दइके मइके चली जात हौं।
मनसवा लल्लू का कहब है कि वा आपन मन से बाप के साथै मइके चली गे है। हमरे ऊपर मारपीट का फंसावैं खातिर झूठ का आरोप लगाइस है।
चिल्ला थाना एस.ओ. अनीता चैहान का कहब है कि दूनौ पक्षन का बोलवा के समझौता करवा दीन जई। अगर वहिमा भी न मनिहैं, तौ आगे कारवाही कीन जई।