इनतान के हवै गन्दगी
जिला चित्रकूट, ब्लाक कर्वी, कस्बा शिवरामपुर। हिंया नाली के सफाई दस बरस से नहीं भे आय। या कारन गन्दगी रहत हवै। यहै से लगभग पच्चीस घर गन्दगी के समस्या से जूझत हवैं। नाली साफ करवावैं खातिर कइयौ दरकी प्रधान शिवबरन कपडि़या से कहा, गा, पै वा ध्यान नहीं देत आय।
या समस्या मा प्रधान शिवबरन कपडि़या का कहब हवै कि एक महीना पहिले नाली के सफाई करवाये रहौं। मड़ई अपने धरन का कूड़ा नाली मा डार देत हवै। यहै से नाली मा कूड़ा भर जात हवै।
कस्बा के नमन अउर माता प्रसाद का कहब हवै कि प्रधान शिलाजीत बस्ती मा साफ सफाई अउर विकास का कउनौ ध्यान नहीं देत आय। नाली मा कूड़ा बजबजात हवै। नाली मा गन्दा पानी भरा रहत हवै। यहिसे मच्छर लागत हवैं। बदबू भी आवत हवै। अगर यहिनतान नाली गन्दी रही तौ मड़ई बीमार होइहैं। नाली के सफाई होइ जाये तौ इंसबै समस्यन से छुटकारा मिल जई।