आशा अनीता
जिला चित्रकूट, ब्लाक मऊ,सामुदायिक स्वास्थ्य केन्द्र कइती से आशा का नोकिया का मोबाइल मिला हवै। या मोबाइल मार्च अउर अप्रैल के महीना मा सरकार कइती से दीन गा हवै। यहै से आशा बहुतै खुश हवैं । अब उनका मेहरियन के डिलेवरी केस खातिर भटकैं का नहीं परत आय। फोन करिन अउर समस्या खतम होइ।
गांव ओबरी मजीर चन्डाण के आशा बहू रेखा देवी, हर्दी कला के अनीता काक हब हवै कि हम आशा का मोबाइल मिले हवैं अउर एक महीना मा बात करै खातिर सौ मिनट दीन गें हवै। इं मोबाइल मा सरकारी फोन आवत हवै। यहिमा हम सराकर का रोज के जानकारी दइ सकित हन। या सुविधा सरकार नींक करिस हवै। काहे से कि हमरे लगे येत्ता रुपिया नहीं रहै कि हम मोबाइल खरीद सकैं अउर मोबाइल मा रिचार्ज डरा सकैं। सरकार हमार मानदेय अउर बढ़ा दे तौ अउर नींक रही।
हटवा गांव के आशा अनीता देवी का कहब हवै कि पहिले मोबाइल चलाउब नहीं आवत रहै, पै मोबाइल मिलै के बाद सीख गये हन। अब कउनौ परेशानी नहीं आवत हवै।
मऊ सामुदायिक स्वास्थ्य केन्द्र के बाबू संतोष का कहब हवै कि कुल आशा एक सौ बत्तिस हवैं। उनका सबहिन का मोबाइल दीन गे हवैं। मोबाइल दें का उद्देश्य हवै कि जननी सुरक्षा योजना का नीेंक से सफल बनावा जा सकै।