आयोडिन नमक
सीतामढ़ी सदर अस्पताल के कार्यालय में जिला स्वास्थ्य समिति के बैठक 30 जून 2014 के भेलई। इ बैठक डाॅक्टर ओमप्रकाश पंजियार के अध्यक्षता में आशा, ए.एन.एम. के साथ में कलथिन।
डाॅक्टर ओमप्रकाश पंजियार कहलथिन कि जेतना आशा, ए.एन.एम. सब छथिन उनका सब के घरे-घरे जाके नमक के जाॅच करथिन। विटामिन के खुराक बच्चा सब के 9 जुलाई से 8 अगस्त तक प्रखण्ड स्तर पर आशा, ए.एन.एम. आशा फैसिलेटर के प्रशिक्षण देल जतई। ऐई पखवार में 9 माह से 5 वर्ष के बच्चा सब के देवे के हई गर्भवती महिला के आयरण के गोली भी मिलतई।
आशा मीरा देवी, अम्बूरानी कहलथिन कि आशा सब के आयोडिन नमक के जाॅच करे के हई कि कतेक लोग अयोडिन नमक घर में खा रहल छथिन। ऐई जाॅच के लेल किट देल जतई। ऐकरा बाद गर्भवती महिला के भी घर-घर जाके आयरण के गोली वितरण करे के हई। विटामिन ए के खुराक भी बच्चा सब के पिलावे के हई।