नहीं मिलत कउनौ सरकारी योजना,लाभ

बांदा शहर मोहल्ला हाजीगंज कटरा। बानो खातून का कहब है कि मैं बहुतै गरीब अउर असहाय औरत हौं अउर दूनौ गोड़न से विकलांग भी हौं। यहिके बाद भी मोर पेंशन नहीं बनत आय। मैं दसन चक्कर विकास भवन के लगा चुकी हौं।
बानो खातून का कहब है कि मोरे उमर लगभग 70 साल के है। मै बराबर विकलांग पेंशन का फारम भर के विकास भवन मा जमा करत हौ, पै पेशन आजौ तक नहीं बनी आय। या वा कइत पेट खातिर भटकत रहत हौं कउनौ मेहनत मजदूरी करैं लाइक भी निहाऊ। यहिसे परेशान हौ कि मोर भी पेशन बन जाय तौ कुछ सहारा होई जाय।
समाजकल्याण के कैसियन बाबू का कहब है कि वहिके फारम हेया जमा निहाय। अब व दुबारा से भर के जमा करै।

रिपोर्टर –  गीता अउर शिवदेवी