खबर लहरिया बाँदा नलकूप बनावैं के दरखास

नलकूप बनावैं के दरखास

IMG2848Aजिला बंादा, ब्लाक तिन्दवारी, गांव लोहारी। हेंया के पांच लोग नलकूप सुधारैं खातिर 14 अक्टूबर का एस.डी.एम. बांदा का दरखास दिहिन। एस.डी.एम. नियाव का भरोसा दिहिन हैं।
मखलू, शिवपूजन, रामकिशोर अउर बद्री का कहब है कि पांच साल पहिले नलकूप संख्या 174 का ट्रांस्फारमर खराब होइगा रहै। बनावत समय वा ट्रांस्फारमर कुंआ मा गिर गा रहै। तबै से बिना ट्रांस्फारमर के बिजली न मिलैं से खेती के सिंचाई नहीं कई पावत हन। नलकूप भी बंद परा है जेहिसे लगभग दुई सौ बिगहा तक या नलकूप से सींची जाय वाली खेती के सिंचाई नहीं होई पावत। ट्रांस्फारमर निकाल के नलकूप सुधारैं खातिर बिजली विभाग मा भी दरखास दीन है, पै कारवाही नहीं कीन गे आय।
नलकूप खण्ड के अधिषाशी अभियंता एच.पी. धमानिया का कहब है कि नलकूप संख्या 174 के शिकाइत मोरे लगे आई है। वा नलकूप का रिबोर कीन जई। वहिके रिबोर का प्रस्ताव मार्च 2015 तक मा भेजा जई।
गांव का किसान शिवसहाय बताइस कि वा बारह बिगहा खेती का कास्तकार है। नलकूप खराब है या मारे ज्वार बोए है, नहीं तौ धान पैदा होत है। रामकिशोर बताइस कि मैं पांच बिगहा मा अरहरी बोये हौं, नहीं धान पैदा कई लेतेंव।