खबर लहरिया बुंदेलखंड नई होत सफाई गलिन में लगो कूड़ा

नई होत सफाई गलिन में लगो कूड़ा

panvadi kasba photo khabarजिला महोबा, ब्लाक पनवाड़ी, कस्बा पनवाड़ी। वार्ड नम्बर 7 ओर 15 की सड़क खा देख के एसो लगत हे की जेसे की सफाई कर्मी की नियुक्ति वेतन ओर नाम के लाने कर दई हो। काय से आज तक मोहल्ला के आदमियन खा सफाई कर्मी को पता नईयां जीसे नालियन की सफाई कराई जा सके।
सुखदेव, सुखलाल ओर मनोज सोनी बताउत हे की जा सड़क सात साल पेहले बनी हती। जीसे अब खली हो गई हे ओर आदमियन के घरन को पानी नई निकर पाउत हे। जीसे पूरे रास्ता में गन्दगी रहत हे। नजीर ओर नीरज कहत हे की दुकानन की पन्नी उड़ के इक्कट्ठा हो जात हे ज्यादा गन्दगी रहत हे। पानी नई निकर पाउत हे। गन्दगी के कारन निकरत नई बनत, मच्छर लगत हे ओर बिमारी फेले को डर रहत हे। एते सफाई कर्मी भी सफाई करन नई आउत हे। ज्यादा पानी बरसे से पानी बेह जात हे ओर घरन को पानी नई बहत हे अगर जा सड़क ऊंई में हो जाये तो नींक हो हे।
प्रधान आशाराम बताउत हे की ऊ सड़क विधायक निधी से पास हो गई हती। ठेकेदर खत्म हो जायें के कारन नई बनी हे। पनवाड़ी कस्बा में एकऊ सफाई नइयां। हम जनवरी के महीना 2015 से मांग करत हे। पे कोनऊ सुनवाई नई होत हे।