नई लगी मरकरी

जिला महोबा, ब्लाक जैतपुर, कस्बा कुलपहाड़, हटवारा मोहल्ला। ई मोहल्ला में नगर पंचायत के तहत तीन साल पेहले बिजली के खम्भा मरकरी लगवायें खा लगे हते। पे आज तक मरकरी नई लगी हें। जीसे आदमी मरकरी लगवायें की मांग करत हें।
नत्थू ओर विनीत प्रसाद बताउत हे कि हमाये मोहल्ला उजियारे खा नगर पंचायत के एते से खम्भा लगे हते, पे आज तक कोनऊ मरकरी लगाउन नई आओ हे। मोहल्ला में अंधियारो बनो रहत हे। जीसे रात विरात निकरे में डर लगत रहत हे। रानीबाई बाउत हे कि रात के हम द्वारे मे नई बेठ पाउत हें। हमने केऊ दइयां नगर पंचायत मे कहो हे कि हमाये मोहल्ला में मरकरी लगवा दे हा कहके टार देत हे, पे कोनऊ नई सुनत हंे।
कुलपहड़ नगर पंचायत के अधिशाषी अधिकारी राजकुमार उपाध्याय ने कहो कि हमाई हर मोहल्ला में मरकरी लगी हे ओते की जानकरी मोये अभे तक नई रही हे ओर न कोनऊ ने हमे बताओ हे अब जानकारी भई हे तो ओते जल्दी मरकरी लगवा दईं जेहें।