खबर लहरिया बुंदेलखंड नई लगत समय से टीका

नई लगत समय से टीका

05-08-15 Mahoba - Jaitpur Pashu Chikitsalay webजिला महोबा, ब्लाक जैतपुर, गांव महुआ बांध। बारिश शुरू होतई जानवर में बिमारी शुरू हो जात हे, पे अधिकारियन की मनमानी आदमियन खा मंहगी परत हे।

सुकरति, चहनू ओर नवल बताउत हे कि दस दिन पेहले बेलाताल से गांव में जानवरन के टीका लगाउन डाक्टर रणविजय सिंह आओ हतो। ऊने एक भैंस के टीका लगायें को पांच रुपइया लओ हे, जभे कि एकऊ रुपइया नई लगत हे। शान्ति ओर राजाबाई ई साल छिरियन के टीका नई लगाउत हे। हम लोग भैंस पाले हे तो बेलाताल सरकारी अस्पताल टीका लगवाउन जात हे। काय से कि नओ चारा खायें से बिमारी फेलत हे।

बेलातल पशु अस्पताल को डाक्टर रणविजय सिंह कहत हे अभे तक पानी बरसत रहो हे। मोये पैंतालिस गांव हे जीसे नईं जा पाओ हों। अब हर गांव मे जात हो ओर फीरी टीका लगाउत हों।