देखै का सौर ऊर्जा के मरकरी

जिला चित्रकूट, ब्लाक कर्वी, कस्बा भरतकूप। हिंया दुइ साल पहिले सौर ऊर्जा के दुइ मरकरी लाग रहै। मरकरी लगभग आठ महीना से खराब हवै। अगर रात मा बिजली चली जात हवै तौ अंधेरा रहत हवै। सौर ऊर्जा के मरकरी बनवावैं खातिर प्रधान उर्मिला सिंह के मनसवा ध्यान सिंह से 18 दिसंबर का कहा गा, पै अबै तक मरकरी नहीं बनी आय।
कस्बा के रमाशंकर अउर पप्पू का कहब हवै कि अब खिचरी का त्यौहार आवैं वाला हवै। हिंया भरतकूप मंदिर मा मेला लागत हवै। मरकरी बन जाये तौ नींक रही।
प्रधान उर्मिला सिंह के मनसवा ध्यान सिंह का कहब हवै कि सौर ऊर्जा के मरकरी खराब हवै। अब पता होइगा हवै तौ 5 जनवरी तक सहीं करवा दीन जई।
कर्वी ब्लाक के ए.डी.ओ. सुखलाल कहिन कि सौर ऊर्जा के तहत जलैं वाली मरकरी बनवावैं खातिर प्रधान से कहा जई कि येत्ते दिन होइगे वा मरकरी काहे नहीं बनवाइस हवै।