खबर लहरिया औरतें काम पर दुसरे मेहरारू के कारण मारत पति

दुसरे मेहरारू के कारण मारत पति

f mahila mudda fainalजिला फैजाबाद, ब्लाक तारुन, ग्रामसभा बेलगरा, महमदपुर। यहिंके एक मेहरारू सरिता निषाद कै पति छह साल से सरिता का मारत-पीटाथिन। इनकै आरोप बाय कि दुसरे मेहरारू के ताई हमैं प्रताडि़त कराथिन।
लगभग पैंतालिस साल कै सरिता निषाद चोट देखावत बताइन कि दुई महीना पहिले मारे रहे पैर मा जगह-जगह कटिगा। कान के पास भी फाटिगा बाय। सरिता निषाद कै कहब बाय कि हमरे दुई गेदहरा बाटे। दस साल कै हमार बिटिया बाय। जब बिटिया भै रही तबै गंव कै एक मेहरारु खाना बनावै आय रही। तबसे हमार पति उनके पीछे परा रहिन। जबकि अब ऊ मेहरारू बिधवा बाय। लकिन वही के कारण हमैं आये दिन मारत पीटाथिन। कउनौ खर्चा नाय देते। जबकि हमरे लगभग दस बीघा खेती बाय। लकिन ऊ मेहरारू खेती बारी नाय करै दियत। हमरे मायके वाले खाना खर्चा दियाथिन। इनके डर के मारा हम कहूं रिपोर्ट भी नाय लिखायन। सारा खर्चा कमाई उनहीं का दियाथिन।
गंाव कै कुछ मेहरारू बताइन कि इनकै पति इनका आये दिन मारत-पीटाथिन। दुसरे मेहरारू के कहे मा बाटे। अपने मेहरारू का कुछ खर्चा नाय देते।