जिला चित्रकूट, ब्लाक कर्वी, मुहल्ला भरतपुरी, वार्ड नम्बर पन्द्रह। हिंया दस फुट नाली के जाली छह महीना से टूट हवै। या कारन कत्तौ भी रिक्शा पलट सकत हवै। अउर कउनौ भी मड़ई चोटा सकत हवै। या समस्या से सैकड़न मड़ई परेशान हवैं। नाली मा जाली लगावैं खातिर वार्ड सदस्य राजरानी त्रिपाठी से कहै का हवै।
या मामला मा वार्ड सदस्य राजरानी त्रिपाठी से बात भे तौ वा कहिस-“नगर पालिका वाले कउनौ ध्यान नहीं देत हवैं। नाली मा जाली लगावैं खातिर कहा जई।” कर्वी नगर पालिका के अध्यक्ष नीलम करवरिया का कहब हवै कि एक महीना बाद वार्ड मा विकास के काम कराये जइहैं।
मुहल्ला के बब्लू अउर अमन समेत पांच लोगन का कहब हवै कि जाली बहुतै खराब टूट हवै रात के अंधियारे मा कउनौ भी नाली मा गिर जा सकत हवै। या कारन मुहल्ला के मड़ई वहिमा पटिया धइ दिहिन हवैं। वहौ मा डेर हवै। रिक्शा कत्तौ भी पलट सकत हवै। रिक्शा वाले पटिया देख के कहि देत हवैं कि आगे रिक्शा न जई। मड़इन के वा पटिया लाग सकत हवै। का कउनौ घटना घट जई तबै नाली मा जाली लागी।