दहेज खातिर लिहिन जान

जिला बांदा, ब्लाक तिन्दवारी, गांव बंशी डेरा। हेंया के फूलचन्द का आरोप है कि दहेज के मांग पूरी न होय मा ससुराल वाले वहिके लड़की सीमा का 11 जुलाई का फांसी लगा के मार डालिन। पैलानी थाना मा रपट लिखाइस हैै।
फूलचन्द बताइस कि मैं आपन लड़की के षादी के बाद ससुरालवाले एक लाख रूपिया मांगत रहैं। लड़की का मार के अब राजी होय का धमकी दिहिन हैं।
सीमा का ससुर रामबरन कहत है कि उंई दूनौ के बीच लड़ाई भे तौ सीमा फांसी लगा लिहिस है।
पैलानी थाना मुंशी रवि सिंह कहिन कि ससुराल वालेन के खिलाफ धारा 498ए दहेज अधिनियम, 304 बी इलाज के दौरान मउत अउर 3/4 दहेज हत्या के तहत मुकदमा लिख गा है। पुलिस आगे के कारवाही मा लाग है।