तेल डाल के जिंदा जलाइन

अस्पताल मा भर्ती संतकुमारी

जिला बांदा, ब्लाक तिन्दवारी, गांव बेंदा। हेंया के संतकुमारी बताइस कि वहिकर मनसवा जयराम मिट्टी का तेल डाल के आगी लगा दिहिस। वहिकर इलाज जिला अस्पताल मा चलत है। साथै मा बाप, महतारी भाई अउर देवर होंआ मौजूद रहैं।
संतकुमारी का बाप बाबूलाल, महतारी सुन्ता अउर भाई कमलेश बताइन-“अट्ठारह साल लगभग शादी का होइगे। चार लड़का बिटिया हैं। 3 जनवरी 2014 का संतकुमारी का मनसवा जयराम दारू पीयैं का रूपिया मांगिस। रूपिया न दें मा पहिले खूबै मारपीट करिस। यतने मा वहिके गुस्सा नहीं बुझात तौ मिट्टी का तेल डाल के आगी लगा दिहिस। हमैं पता चला तौ हम बिटिया का अस्पताल मा भर्ती कीन। इलाज चलत है। अबै कउनौ कानूनी कारवाही नहीं कीन।“
देवर श्रीराम कहत है कि भाई जयराम पागल है। घटना के दिन से वहिका पता निहाय। मैं भी परदेश मा रहत हांै। त्योहार करैं का मोहिका बुलाइन हंै। घटना के बाद गांव के मड़ई भाई का बहुतै मारिन हंै। वा समुद्र मा स्टीमर चलावत है। जबै चला गा तौ बहुतै दिन के बाद आवत है। दारू भी बहुतै पियत है। मेहरिया मनसवा के बीच पता नहीं काहे खातिर लड़ाई झगड़ा भा है कि इनतान के स्थिति ठाड़ होइगे है।