खबर लहरिया चित्रकूट तहसील दिवस का बदल गा नाम

तहसील दिवस का बदल गा नाम

उत्तर प्रदेश मुख्यमंत्री अखिलेश सिंह यादव का 15 मार्च का पूर चार साल होइगें हवे  यहिसे चित्रकूट अउर बांदा जिला मा तहसील दिवस का नाम बदल के समाजवादी विकास दिवस रखा गा हवै। या कारन से 15 मार्च का कर्वी तहसील सभागार मा पहिली दरकी समाजवादी विकास दिवस मनावा गा हवै। अब या बात सउहें आवत हवै कि सरकार के नाम से तहसील दिवस मनावा जई। दूसर बात या तौ सोचैं वाली बात हवै कि अबै समाजवादी पार्टी के सरकार हवै। यहिसे या दिवस वा अपने नाम से शुरु कइ दिहिस हवै। दिवस के दिन का बस समाजवादी पार्टी के योजना का गुणगान कीन जई। या फेर जनता के समस्यन का समाधान भी करैं का काम नींकतान से सरकार द्वारा कीन जई। यहिके खातिर जरुरी हवै कि सरकार जिला के अधिकारिन से पूंछै के जरुरत हवै।