जिला चित्रकूट, ब्लाक मऊ, गांव बेलहां हिंया आज भी डाकूअन का खौफ छावा रहत हवै काहे से 21 मई का राम प्रताप का डाकू बहुतै मारिन हवै अउर वहिके लगभग 100 बकरी भी लई गे हवै। जेहिसे रामप्रताप का बहुतै नुकसान भा हवैं।
पुलिस अज्ञात के नाम रपट लिख लिहिस हवै। राम प्रताप का कहब हवै कि शनिवार का मैं जंगल के नीचे से बकरी लइके जात रहे हौं तबै डाकू मोहिका पकड़ लिहिस मोर कुल्हाड़ी अउर चुनौटी छोड़ा लिहिन हवै। फेर गले मा फांसी लगा के नाला मा फेंक के चले गे हवै। इं डाकून का पहिले भी आपन गांव मा देखे हौं।
अब तौ मैं भिखारी बन गये हौं जउन बकरी लई गे वहिके छोट छोट बच्चा हवै उनके पियावे खातिर दूध तक नहीं आय। 100 बकरी के 15 लीटर दूध होत रहै वहिके हमार खाना खर्चा चलत रहै अब भूखन मरित हवै।
रामप्रताप का लड़का देव सरन बताइस कि दूध बेच के खर्चा चलत रहै गरीब मड़ई दूध न बेचिहैं तौ खर्चा कसत चली। मऊ के छोट दरोगा राजेश कुमार मिश्रा का कहब हवै कि अबै जांच चलत हवैं। पुलिस जंगल अउर बाजार सगले डकैतन के पता लगावत हवै। पता लागे मा मा कारवाही कीन जई।
रिपोर्टर- सुनीता देवी
02/06/2017 को प्रकाशित
