कागज, पन्नी जला के ठण्डी से बचत
जिला महोबा, ब्लाक जैतपुर, कस्बा कुलपहाड़। कस्बा के केऊ आदमियन को आरोप हे कि नगर पंचायत के कर्मचारी कागजन में आलाओ जलाओ जात हे। हर साल सरकार को हजारन रूपइया को पूरो बजट बीच में गायब हो जात हे।
सालट टपरियन को रामलाल ने कहो कि मोये राठ जाने हे। एते आगी की कहूं व्यवस्था नइयां। कस्बा के अशोक बताउत हे कि पन्नी, कागज ओर साइकिल के टायर जला के आपन ठण्डी दूर करत हे। बस स्टाप में नगर पंचायत की एकऊ लड़की नई आउत हे। जभे कि एते बस स्टाप में हजारन की संख्या में आदमी आउत जात हें।
दीपक को आरोप हे कि नगर पंचायत के कर्मचारी खानापूर्ति करे खे लाने आलाओ जलवाउत हे। काय से कस्बा में कहूं आलाओ जलत नई देखो हे।
कुलपहाड़ नगर पंचायत के अधिषासी अधिकारी राजकुमार उपाध्याय ने बताओ कि नगर पंचायत केती से गोदी चैरहा,बस स्टैण्ड के साथे पैतालिस जघा आलाओ जलवाये जात हे। आदमी चहत हे कि थोई-थोई जघा मे अलाओ जलाये जायें तो जा नई हो सकत हे।