अपन समस्या खुद बताउ

जिला सीतामढ़ी निर्मला पैलेश में सीतामढ़ी जनवाणी चैनल के अउर भी असरदार अउर चर्चित बनावे के लेल इ बैठक बुलाएल गेलई। जे बैठक 12 जनवरी 2015 के भेलई। जेईमें कई विभाग के लोग उपस्थित रहथिन।
ग्रामवाणी दिल्ली से आयल सुल्तान अहमद कहलथिन कि ग्रामवाणी के तहत सीतामढ़ी जनवाणी चैनल खुललई। जेईमें रोज लोग अपन या दोसर के समस्या के जनता या अधिकारी तक रखे के बात हई। जेईमें मोबाईल नम्बर 09266651777 पर मिस काॅल करे के होतई ओकर बाद उधर से काॅल लौटतई। उ टाॅल फ्री नम्बर पर अधिक से अधिक लोग के जुड़ के जानकारी देवे के हई।
समाजिक कार्यकर्ता नागेन्द्र सिंह, संजीव कुमार, सीमा वर्मा कहलथिन कि इ जनवाणी चैनल ऐई के लेल बनायल गेल हई कि सीतामढ़ी समाचार पहिले सुने अउर कोई भी समस्या से अधिकारी के अवगत करावे। इ चैनल सब के लेल हई। सब अपन समस्या के ऐई में रख सकई छथिन।