7 फरवरी का सुबेरे ग्यारह बजे बांदा जिला के गिरवा अउर नरैनी सड़क के बीच दुई बाइक अउर ट्रक मा टक्कर होइगें, जेहिमा तीन बाइक सवार के मउत होइगें अउर दुई लड़का बहुतै ज्यादा घायल होइगें हैं। घायलन का इलाज बांदा के जिला अस्पताल मा चलत हैं।
प्रमोद बताइस कि तीन लड़का हाईस्कूल के परीक्षा दइके आवत रहै, तबै एक्सीडेंट होइगा है तौ उनकर जान चली गें हैं। मरे वाले लड़का राहुल के मामा नीरज गौतम का कहब है कि परीक्षा दइके घर आवत रहै तबै पीछे से ट्रक टक्कर मारिस है।
इमरजेंसी वार्ड के डाक्टर विनीत सचान का कहब है कि बाइक से एक्सीडेंट होइगा है जेहिमा तीन लड़कन के मउत होइगें है, तौ उनका पोस्टमार्टम खातिर भेज दीन गा हैं। दुई लड़कन के हालत खराब है तौ उनका बाहर रिफर कइ दीन गा हैं।
अपर एसपी लाला भरत सिंह का कहब है कि बाइक बहुतै तेजी से चलावत रहै तौ टक्कर होइगे है। जेहिमा पांच लड़का घायल होइगें रहैं। पांच लड़कन मा तीन के मउत होइगें हैं। पुलिस मौके मा पहुंच के कारवाही करत है।
रिपोर्टर- गीता देवी
published on feb 07, 2018
