ट्यूबवेल कै तार जरै से नाय हुअत सिंचाई

जिला फैजाबाद, ब्लाक मया, ग्रामसभा जमुनीपुर। हिंआ दुई महिना से सरकारी टयूबेल कै तार जर जाय से खेत कै सिचांई नाय होय पावत बाय। तालाब सुखाय जाय से पशु पंक्षी पानी बिना मार जात हईन।

कलीम उल्लाह, इद्रिश वैतुल्य उल्लाह बताइन कि हमरे गंाव के लगभग पांच हजार कै आबादी बाय लगभग सौ डेढ़ सौ बिगहा खेत के सिंचाई यहि टयूबल से हुअत रही। लकिन दुई महिना से उर्द पिपरमेंट बेरन ई सब सुखै के कगार पै आय गै बाय। नलकूप संख्या 76 एफ.जी. हुएै। अगर कउनौ बड़ा गड़बड़ी भै होत तौ यतना चिन्ता न हुअत खाली तार जरा बाय सोचा जात रहा कि दूसर तार जल्दी लाग जाये लकिन इन्तिजार से कउनौ लाभ नाय होत बाय लागत बाय अब इहै सब फसल बर्वाद जाये।

नलकूप विभाग कै कर्मचारी बताइन कि हुआ कै केबिल जरिगै बाय। वही के ताई विद्युत विभाग का सूचित कै दीन गै बाय। जल्दी ठीक कराय जाये।